Implantet dentare

Çfarë janë implantet dentare?
Implantet dentare janë zëvendësues të qëndrueshëm të rrënjëve të dhëmbëve, të vendosura në mënyrë kirurgjikale në kockën e nofullës për të mbështetur dhëmbë artificialë, që duken dhe funksionojnë si dhëmbët natyralë. Ato janë zgjidhja më moderne dhe afatgjatë për zëvendësimin e dhëmbëve të munguar – nga një dhëmb i vetëm deri te një hark i plotë.

Pse të zgjidhni implantet tek Trust Clinic?
Përdorim i Sistemeve Premium të Implaneve
Në klinikën tonë përdorim vetëm sisteme implantesh të certifikuara ndërkombëtarisht:
• AnyRidge nga MegaGen – një sistem innovativ i certifikuar nga CleanImplant, me dizajn që nxit integrimin e plotë me kockën dhe që siguron stabilitet të lartë edhe në kushte të vështira kockore.
• Straumann® – lider global në implantologji, me mbi 40 vjet kërkim shkencor dhe rezultate të jashtëzakonshme klinike. I konsideruar sistemi më i mirë dhe më i besuar në botë.

Kujdes ekstrem në zgjedhjen e materialeve
Çdo implant që përdorim është i dokumentuar, steril dhe me gjurmueshmëri të plotë – sepse besojmë se pacientët tanë meritojnë vetëm më të mirën.

Certifikim ndërkombëtar nga CleanImplant
Kirurgu jonë është i certifikuar nga organizata ndërkombëtare CleanImplant, e cila kontrollon me imtësi cilësinë e implanteve dentare në nivel mikroskopik dhe garanton përdorimin e implanteve të pastra dhe të sigurta.

Më shumë se një implant – një ndërhyrje me kujdes maksimal

Një nga keqkuptimet më të zakonshme është krahasimi vetëm mbi çmimin e implantit. Por suksesi i një trajtimi me implant dentar nuk varet vetëm nga marka që përdoret, por edhe nga:

Planifikimi i saktë kirurgjikal
Çdo rast trajtohet me analiza 3D, skanime intraorale dhe planifikim të detajuar për të siguruar pozicionimin më të saktë dhe më të sigurt të implantit.

Zbatimi i teknikave sterile kirurgjikale
Ne përdorim protokolle kirurgjikale të avancuara, që minimizojnë rrezikun e infeksioneve dhe rrisin ndjeshëm suksesin afatgjatë të implantit.

Përkushtimi ndaj rezultateve
Ne i qasemi çdo rasti me ndershmëri dhe përgjegjësi maksimale – edhe nëse kjo nënkupton më shumë kohë, më shumë angazhim nga ana jonë, dhe shpesh herë një kosto më e ulët sesa realisht vlerson shërbimi që marrin pacientët tanë.