Kujdesi Dentar për Fëmijë

Qëllimi ynë është të ndihmojmë çdo fëmijë të hyjë në moshën madhore me zakone të mira orale, kështu që fokusi ynë është në parandalimin dhe edukimin, si një përpjekje bashkëpunuese mes prindërve , fëmijës dhe stafit tonë.

Studimet kanë treguar se sa më e vogël të jetë mosha e fëmijës tuaj kur e çoni në klinikë dentare qoftë edhe vetëm për një kontroll, aq më shumë ka gjasa që ai të ketë një përvojë pozitive dhe të rritet pa frikë nga dentisti.

Shoqërojeni fëmijën tuaj te dentisti sapo të ketë dalë dhëmbi i parë ose para ditëlindjes së tij të parë, në mënyrë që të mësohet me pamjen, tingujt dhe aromën.

Kontrollet e rregullta dentare që në moshë të vogël sigurojnë që fëmija të mos vuajë nga prishja e dhëmbëve të qumështit të pa trajtuar me efekt shkatërruese për dhëmbët e tyre të përhershëm, gjithashtu i mundësojnë dentistit të monitorojë shëndetin oral dhe zhvillimin e fëmijës tuaj për probleme të tilla si thithja e gishtit të madh dhe shtrembërimi i dhëmbëve..
Prindërit luajnë rol kyç në shëndetin oral të fëmijës. Bëhuni një model i mirë për fëmijët tuaj. Disa këshilla për të ndihmuar fëmijën tuaj të ketë një shëndet të mirë oral:

Rituali i larjes së dhëmbëve. Tridhjetë (30) minuta pas mëngjesit dhe para se të shkoni në shtrat është një kohë e mirë për të vendosur një rutinë të higjienës orale.
Kushtojini vëmendje dietës ushqimore të fëmijës tuaj. Mos i jepni ushqime të pasura me sheqer dhe pije të gazuara.
Deri në moshën 10 vjeç mbikqyreni pastrimin e tyre dhe sigurohuni që ata të përdorin teknika të duhura të larjes së dhëmbëve.

Fëmija duhet të vizitojë dentistin dy (2) herë në vit për një kontroll dhe pastrim nëse është e nevojshme.

Disa trajtime parandaluese që ne mund të sigurojmë për fëmijët:

FAQ

Kur duhet ta çoj fëmijën për herë të parë te dentisti?

Rekomandohet vizita e parë rreth moshës 1 vjeç ose sapo të dalin dhëmbët e parë. Kjo ndihmon në krijimin e një përvoje pozitive dhe parandalimin e problemeve që në fazat e hershme. Dr. Edmond Rama është i specializuar për të punuar me fëmijë me kujdes dhe qetësi.

A ofroni shërbime parandaluese për fëmijët?

Po, përfshijmë pastrime të lehta, fluorizim, kontrolle rutinë dhe këshillim për ushqyerjen dhe higjienën orale. Qëllimi ynë është të rritet një brez i shëndetshëm që nuk ka frikë nga dentisti.

Si mund ta ndihmoj fëmijën tim të mos ketë frikë nga dentisti?

Me një qasje pozitive dhe të qetë! Ne në Trust Clinic bëjmë vizitën argëtuese, me komunikim të thjeshtë dhe dashamirës. Prindërit janë të ftuar të jenë pjesë e procesit për të krijuar besim tek fëmija.