Rreth Trust

Në Trust Clinic, ne e kuptojmë se një buzëqeshje e shëndetshme dhe një lëkurë që shkëlqen janë jo vetëm pasqyrë e kujdesit personal, por edhe burim i vetëbesimit. Besojmë se mirëqenia e përgjithshme nuk është thjesht një çështje e pamjes së jashtme, por një harmoni e brendshme që reflektohet në çdo aspekt të jetës së një personi.

Përmes një qasjeje të përgjegjshme dhe të ndërtuar me kujdes, ne kemi angazhuar një ekip të ekspertëve të specializuar që punojnë ngushtë me çdo pacient për të ofruar një përvojë të personalizuar dhe të plotë.

Doktor Edmond Rama

Drejtues dhe Mjek kryesor në klinikën Trust

I diplomuar në Fakultetin e Mjekësisë Tirane – dega stomatologji në vitin 2008, I apasionuar pas punës së tij, doktor Edmond Rama ofron shërbime dentare të përgjithshme dhe të avancuara me cilësi të lartë në një mënyrë të qetë dhe të kujdesshme. Qellimi i tij në klinikën Trust është të nxisë një atmosferë ftuese dhe relaksuese, ku nevojat e pacientëve janë prioritare, duke i lejuar ata të marrin vendime dhe zgjedhje të informuara për shëndetin e tyre oral.

Trajnime dhe Certifikime pas diplomimit:

Trajnim dhe Certifikim në Ortodonci pranë profesor Soratto Renzo ( 2011- 2013)
Trajnim dhe Certifikim në Implantologji nga Megagen Implant (2014)
Trajnim dhe Certifikim në Menaxhimi i Dhimbjes ne Dentistri në Gratë Shtatzëna, Fëmijë e të Rritur (2016) Tiranë
Trajnim dhe Certifikim për estetikën e fytyrës nga SIMEO DHE AMFS në Romë – Itali. (2021-2022)
Trajnim dhe Certifikim në “Soft Surgery” Plexr Vecron nga GMV në Romë - Itali.(2023)
Anëtar në Akademia Anerikane e Dentistrisë Estetike. (2021-2022)
Anëtar dhe Dentist i Certifikuar nga Fondacioni CleanImplant në Berlin - Gjermani. (2023)
Me një interes të veçantë për trajnime të mëtejshme dhe zhvillim profesional në fushën e kirurgjisë orale dhe implanteve dentare, doktor Edmond Rama vazhdon specializimin për Kirurgji Orale dhe Implantologji të avancuar në universitetin Aldo Moro ne Bari - Itali.

Jo vetëm një mjek me përvojë, por edhe një baba dhe bashkëshort i devotshëm, Edmondi e gjen kohën për të udhëtuar me familjen e tij, përfshirë gruan dhe tre fëmijët e tyre. Ai është një entuziast i natyrës dhe merret me aktivitete të tilla si vrapimi në natyrë dhe noti. Doktori Edmond Rama është përkushtuar ndaj shëndetit dentar të pacientëve të klinikës “Trust” duke qenë një udhëheqës i shkëlqyer në fushën e stomatologjisë.

Dr. AdelaJDA FIFO

Mjeke Terapiste Dentare

Dr. Adela është një nga shtyllat e rëndësishme të klinikës sonë, me një qasje të qetë, të përkushtuar dhe shumë të kujdesshme ndaj pacientëve të çdo moshe.

Ajo merret me:

Vizita dhe kontrollin rutinë
Pastrime dhe higjienë dentare
Zbardhje dhëmbësh
Mbushje estetike
Trajtime endodontike (kanalet)
Punime protetike të vogla

Dr. Adela ndjek gjithashtu pacientët që janë në trajtim ortodontik (me aparate ose maskerina), duke qenë në bashkëpunim të vazhdueshëm me Dr. Edmondin për planifikimin dhe ndjekjen klinike të këtyre trajtimeve. Është e njohur për komunikimin e hapur dhe aftësinë për të qetësuar edhe pacientët më të ndjeshëm.

Dr. Klea ZENELAK

Mjeke Profilaktike & Kirurge në Formim

Dr. Klea është një prani energjike dhe e përkushtuar në ekipin tonë. Ajo ofron të gjitha shërbimet bazë të stomatologjisë, me një përqendrim të veçantë në dentistrinë preventive dhe kujdesin rutinë.

Shpesh, ajo pret pacientët për pastrime dentare në të njëjtën ditë, falë një orari të dedikuar dhe fleksibil. Në këtë mënyrë, mund të vini në klinikë për një pastrim edhe duke rezervuar vetëm pak orë përpara.

Dr. Klea është gjithashtu asistente e besuar e Dr. Edmondit në procedurat kirurgjikale dhe mbi implante – një fushë që ajo synon ta thellojë edhe më tej në trajnimet e ardhshme. Aftësia e saj për të kombinuar profesionalizmin me një qëndrim të ngrohtë e bën shumë të preferuar nga pacientët.