Mesolift

Pasojat e para të plakjes së lëkurës së fytyrës janë rrudhat e imta dhe humbja e elasticitetit të lëkurës. Më pas rrudhat thellohen gradualisht dhe lëkura dobësohet.

Mesoterapia, e njohur edhe si mesolift, është një nga trajtimet dermatologjike kundër plakjes. Është një metodë e butë (soft, jo invazive) që stimulon qarkullimin e gjakut ne lëkurë dhe rinovimin e qelizave. Në mesoterapi, ne përdorim gjilpëra të vogla për të injektuar përbërës aktivë shumë të koncentruar si vitamina, aminoacide, antioksidantë dhe hialuron në lëkurë. Me ndihmën e këtyre mikro-injeksioneve, përzierja e përbërësve aktivë arrin pikërisht në shtresat e lëkurës ku mund të shpalos efektin e saj. Ne i rregullojmë përbërësit aktivë dhe thellësinë e injektimit me gjendjen tuaj individuale të lëkurës.

Përfitimet:

Përbërësit aktivë rigjenerues të lëkurës si acidi hialuronik ose vitaminat, mineralet dhe aminoacidet futen në shtresën e mesme (meso) të lëkurës. Ata rigjallërojnë dhe për këtë arsye shtrëngojnë lëkurën, duke e bërë atë të duket përsëri më e re dhe më rrezatuese

Kjo përzierje përbëhet nga produkte të ndryshme që ndikojnë në metabolizmin e lëkurës:

Acidi hialuronik është një polimer natyral kryesisht i pranishëm në indet lidhëse të njeriut. Fryhet duke thithur ujin, duke përmirësuar elasticitetin dhe hidratimin.
Vitaminat: vitamina A kontrollon rritjen e epidermës dhe pjesërisht korrigjon hollimin e dermës të shkaktuar nga mosha; vitamina E është një antioksidant që mbron indet nga dëmtimi i peroksideve; vitamina C stimulon sintezën e kolagjenit dhe ngadalëson prodhimin e melaninës; vitamina B korrigjon mangësitë dhe është e domosdoshme për ekuilibrin biologjik të lëkurës; vitamina K rregullon mikroqarkullimin e gjakut.
Kripërat minerale: duke stimuluar aktivitetet e ndryshme të qelizave, ato përmirësojnë metabolizmin e indeve në tërësi.
Koenzimat: përmirësojnë reaksionet biokimike të indeve në të cilat ato injektohen, duke rritur shpejtësinë e rindërtimit të indeve.
Acidet nukleike: stimulojnë sintezën e proteinave fisnike të lëkurës.

Mesoterapia është e përshtatshme për lëkurën e fytyrës, duarve, qafës dhe dekoltesë. Është trajtimi ideal për lëkurën e thatë, me njolla dhe pa jete.

Trajtimi aplikohet një herë në muaj gjatë tre – katër muajve dhe më pas një herë në dy ose tre muaj, per mirëmbajtje dhe parandalimit.Një seancë zgjat nga 15 minuta deri në një orë. Ju mund t’i ktheheni aktiviteteve tuaja të përditshme menjëherë pas trajtimit.

FAQ

Çfarë është mesoterapia dhe si ndihmon lëkurën time?

Mesoterapia përfshin injektimin e përbërësve aktivë si vitamina, aminoacide dhe acid hialuronik direkt në lëkurë për rigjenerim intensiv. Dr. Edmond Rama e përdor për hidratim të thellë, zbehje të rrudhave dhe ndriçim të menjëhershëm të lëkurës.

Sa shpesh duhet bërë mesoterapia për fytyrë të freskët?

Fillimisht rekomandohen 3-5 seanca në intervale dyjavore, dhe më pas mirëmbajtje mujore. Në Trust Clinic krijohet një program i personalizuar në varësi të nevojave të lëkurës tuaj.

A është mesoterapia vetëm për fytyrën?

Jo. Dr. Edmond Rama aplikon mesoterapi edhe për qafë, dekolte, flokë dhe trup – për qëllime si rigjenerim, hidratim, dhe madje edhe kundër celulitit.